SMART Goal Model
💡بنسبة كبيرة أنت قريت مقالات كتير عن تحديد الأهداف لكنك بتقف عند جزئية التطبيق!
✅في مقال النهاردة هنتكلم عن ازاي تحدد الهدف بتاعك خطوة بخطوة وتصيغه بطريقة فعّالة من خلال SMART Model.
✅كلمة SMART هي إختصار لـ 5 كلمات همّا
Specific – Measurable – Achievable – Relevant – Time Bounded
✅كل كلمة منهم بتغطي جانب معين وبتحط الهدف في سياق مظبوط، وده اللي أنت هتقدر تعمله في آخر المقال بعد ما تفهم وتطبق على معنى كل كلمة في الـ Model.
1- Specific (محدد)
✅يعني لازم تكون محدد الهدف اللي عايز توصله من كل الجوانب.
وعشان تحقق ده في موديل اسمه 5W+1H وهو عبارة عن 6 أسئلة لما تجاوبهم هتحدد الهدف بتاعك بشكل سليم وهمّا
1- Who
1- الهدف دا لمين؟
2- هل هو هدف شخصي؟
3- ولا هدف للفريق؟
4- ولا للمؤسسة؟
2- What
✅إيه الهدف اللي عايز توصله بالتحديد وده لازم تكتبه بألفاظ واضحة صريحة ميختلفش حد على فهمها.
3- Why
✅ليه عايز تحقق الهدف ده وإيه النتيجة المتوقعة؟
4- where
✅علشان تحقق الهدف ده محتاج تنفذه فين؟ يعني لو اتكلمنا عن الصيانة، فهل تحقيق الهدف دا هيبقا في المصنع ولا الورشة ولا عند المورد.
5- when
1- امتى هتبدأ التنفيذ؟
2- وإيه هي المدة المناسبة لتنفيذه؟
6- How
✅ايه هى الاجراءات والخطوات والموارد اللي محتاجها عشان تحقق الهدف دا؟
والـ HOW هنا هتحتاج تجاوب عليها بشكل دقيق أكتر، وهنا ممكن تستخدم موديل اسمه
ال5M+1 وهو اختصار لـ:
1- Material – Manpower – Machine – Method – Measurements
1- Material
✅إيه هي الخامات وقطع الغيار اللي محتاجها عشان تتفذ الهدف ده؟
2- Manpower
1- مين الفريق اللي هيشتغل على تحقيق الهدف ده؟
2- وإيه هي المهارات اللي عنده؟
3- Machine
✅إيه هي المعدات والأدوات اللي انت محتاجها للوصول للهدف ده؟
4- Method
✅إيه هي الخطوات والإجراءات والطريقة اللي هتنفذ بيها الهدف؟
5- Measurements
✅إيه هي أدوات وطرق القياس اللي هتستخدمها لقياس تحقيق الهدف؟
6- Environment
1- إيه هي العوامل الخارجية اللي ممكن تأثر على تحقيق الهدف؟
2- وإيه هي الظروف المناسبة لتحقيقه؟
3- بعد ما تجاوب الأسئلة اللي فاتت دي الهدف بتاعك بقى محدد
2- Measurable قابل للقياس
1- الهدف اللي حطيته ده هتقيس الـ Progress بتاعه ازاي
2- إيه الـ KPI اللي هتستخدمه وايه المعادلة بتاعته وازاى هنقيس المدخلات للمعادلة دي؟
3- Achievable or Agreed (قابل للتحقق أو متفق عليه)
1- الهدف اللي انت حطيته دا قابل للتحقق ولا لأ؟ يعني ميكنش هدف خيالي صعب تحقيقه
2- طب إيه الـ benchmark بتاعك؟
✅ضروري الهدف يكون متفق عليه ..
يعني لو الهدف ده مثلا محطوط لمؤسسة أو لفريق فلازم يكونوا متفقين عليه وعارفين جوانبه المختلفة.
4- Relevant (ذو صلة)
✅لازم الهدف اللي حطيته يبقا بيخدم ال vision وال mission الخاصة بالشركة أو المؤسسة، لازم يكون في الاخر هيوصلك لتحقيق الاهداف الكبيرة للفريق بتاعك أو للشركة بشكل عام.
5- Time bounded (محدد بوقت)
✅الهدف لازم يكون في إطار زمني لتحقيقه ومرتبط بأوقات محددة تعمل check فيها وتعرف أنت وصلت لفين.
✅بعد ما تحدد كل الجوانب دي في الهدف انت كدا الهدف بتاعك متوصف بأفضل شكل ممكن وقادر يوصلك لنتائج فعالة.
💡(ودت فايل فيه أهم الأسئلة اللي هتساعدك توصف الهدف بأفضل شكل ممكن)
https://drive.google.com/file/d/1FstyKp3OaXci8zfRS9FEmh_kK7HE2DkP/view
✅ودا فيديو هيشرح بتفصيل أكتر الـ SMART Model وازاي تطبقه بشكل وافي على الهدف بتاعك.
https://www.facebook.com/oringtraining/videos/1079429436631520
