Screw Torque
💡آخر مقال في سلسلة هندسة المكونات الميكانيكية كان لازم يكون عن أكتر وأهم مكوّن لازم يكون في أي منظومة، وهي المسامير..
✅المسامير بتعتبر جزء أساسي في أي مُعدة لأنها بتربط الأجزاء ببعضها بشكل قوي.
1- علشان تضمن إنها تفضل ثابتة ومتماسكة.
2- وتخليك تفك وتركب المكونات الميكانيكية الباقية بسهولة.
1- من أشهر أنواع المسامير في الصيانة هو مسمار الـ Hex وده بيكون مسمار برأس سداسي.
2- وفي نوع تاني من المسامير اللي برأس خماسي أو الـ (Pentagon Head Bolt).
وده بيستخدم في التطبيقات اللي محتاجة حماية إضافية زي صناديق الكهرباء ، لأنه محتاج مفتاح خاص عشان يتفك والمفتاح ده غير مفتاح المسمار المسدس.
3- في نوع تالت من المسامير وهو الـ Hex Socket Bolt، وده مسمار برأس أسطواني وفتحة سداسية، وبيتميز إنه بيتربط بسهولة في المساحات الضيقة باستخدام مفتاح ألينكيه.
4- وفيه نوع رابع اسمه الـ Hexalobular Cap Screw، أو المسمار النجمة وده بيكون برأس فيها تجويف سداسي برده ولكن على شكل نجمة.
المسامير بتتعرض لنوعين أساسيين من الأحمال..
1- حمل الشد أو الـ tensile load، وده بيحصل لما المسمار يتسحب في اتجاهين عكس بعض، وفي الحالة دي المسمار بيتمد.
2- حمل القص أو الـ shear load، وده بيحصل لما يبقى فيه ضغط جانبي على المسمار بيحاول يفصل او يقص المسمار.
💡و دلوقتي ازاي تعرف درجة صلابة و تحمّل المسمار؟
كل مسمار بيكون له درجة صلابة وتحمل محددة، بتكون متوضحة من الأرقام والحروف الموجودة على رأس المسمار..
✅يعني مثلا تلاقي مسمار مكتوب عليه 8.8 و ده معناه إن أول رقم (😎 بيعبر عن قوة الشد، يعني المسمار يقدر يشد لحد 800 ميجا باسكال، والرقم التاني (😎 بيعبر عن نسبة الخضوع، يعني 80% من قوة الشد دي قبل ما يبدأ يتشوه.
✅أما بالنسبة للحروف فهي غالبًا بتدل على الشركة المُصنعة أو نوع المادة، زي حرف A اللي بيستخدم للمسامير المصنوعة من الفولاذ المقاوم للصدأ.
✅في حاجة مهمة جدا لازم تاخد بالك منها وأنت بتتعامل مع المسامير..
لكل مسمار عزم شد معين لازم تلتزم بيه عشان يفضل ثابت وما يحصلش فيه تلف.
والعزم ده بتحدده من حاجتين:
1- إما من جداول العزم الموجودة في كتالوجات الشركات المصنعة.
2- أو من خلال معادلة بسيطة بتقول إن:
العزم = معامل الإحتكاك x في قطر المسمار x في الشد المبدئي المطلوب.
✅ومعامل الاحتكاك ده غالبًا بيكون بين 0.15 و0.2.
ولما بنيجي نستخدم مفتاح العزم بنحدد عليه قيمة العزم دي ونبدأ نربط
(زي ما هنشوف في فيديو بكرة الساعة 1 الظهر)
💡و دلوقتي ازاي تختار المناسب ؟
علشان تختار المسمار المناسب لأي تطبيق، فيه شوية خطوات بسيطة لازم تتبعها.
1- تحدد نوع الحمل اللي هيشيله المسمار، هل هو شد (يعني سحب في اتجاهين عكس بعض) ولا قص (ضغط جانبي)؟
2- تختار المادة اللي هتستخدمها، لو المسمار هيكون في مكان ممكن يتعرض للصدأ، يبقى الأحسن تختار نوع من الفولاذ المقاوم للصدأ.
3- تتأكد من درجة الصلابة، يعني لو التطبيق اللي هتستخدم فيه المسمار محتاج صلابة عالية زي الإنشاءات، يبقى اختار مسامير بدرجات عالية زي 10.9.
4- تحدد العزم المطلوب للتثبيت، وده ممكن تعرفه باستخدام الجداول أو المعادلات عشان تضمن تثبيت آمن من غير ما يحصل أي مشكلة.
الفيديو هتلاقيه فيه تطبيق عملي على كل اللي قريته دلوقتي.
https://www.facebook.com/photo?fbid=586323267481037&set=a.115411067905595
