Pareto principles
💡سنة 1906 عالم الاقتصاد الايطالي فيلفريدو باريتو لاحظ حاجة غريبة!
✅باريتو كان عالم اقتصاد، فكان مهتم إنه يدرس الثروات في ايطاليا بتتوزع ازاي لكنه لاحظ حاجة غريبة شوية..
✅وهي إن أغلب الثروات بتكون مع عدد قليل من الأشخاص، يعني مثلا لقى 80% من الأراضي الزراعية مملوكة لـ 20% بس من السكان.
💡وعلشان يتأكد من ملاحظته دي درس الموضوع في مجالات مختلفة فلقى أن نفس النمط بيتكرر تقريبا يعني مثلا 80% من مبيعات الشركات بتيجي من 20% من العملاء، و80% من الشكاوي بتيجي من العملاء برده!
✅من هنا استنتج باريتو إن في نمط معين في توزيع الثروات والموارد وسماه مبدأ باريتو أو قاعدة 80/20
واللي نقدر نلخصه ببساطة في جملة واحدة هي:
“80% من النتايج بتيجي من 20% من الأسباب”
✅الحقيقة إن المبدأ عملي جدا ونقدر نطبقه في حياتنا اليومية بسهولة مش في مجال الاقتصاد بس لأن الهدف الأساسي منه إنك تركز على الأولويات والتاسكات اللي هتوصلك لأكبر الأهداف.
💡طيب ازاي نستفيد من المبدأ ده في إدارة عمليات الصيانة؟
✅بإنك مثلا تركز على الماكينات اللي بتسببلك أكبر كم من الأعطال، و ده هيخليك تركز على أكتر الأعطال المتكررة.
✅ممكن تنفذ ده بسهولة بإنك تستخدم الـ historical data وتطبق عليها Pareto chart فتطلع منها بـ:
✅20% من الماكينات اللي عندك اللي مسببة 80% من الأعطال في المصنع ومنها تحدد الـ 20% من الأعطال اللي بتسبب 80% من التوقفات في الماكينة دي
فتقدر في الآخر تعمل تحليل للأسباب الجذرية للعطل (RCFA) وتاخد الإجراء المناسب لمنع تكرار العطل مرة تانية.
✅أنت ممكن كمان تطبق مبدأ باريتو في إدارة المخازن وقطع الغيار عن طريق تطبيقه على قطع الغيار وتكلفتها فتحدد الـ20% من قطع الغيار اللي تكلفتها بتوصل لـ 80% من المخزون بالكامل.
✅فتبدأ توفر في تكلفة قطع الغيار من خلال تطبيق الحسابات الدقيقة لكمياتها وتقليل الكمية الموجودة في المخزن.
💡جهزنا نموذج تقدر تدخل فيه البيانات اللي عايز تطبق عليها باريتو فيطلعلك Pareto chart بشكل تلقائي،.
https://drive.google.com/drive/folders/1i-i5nkTKI81x5bghI_IqeMFb5muC10M6?usp=drive_link
