Leading and Lagging KPIs
💡اتكلمنا قبل كده عن الـ KPIs بتفاصيل أكتر وأهميتها في اتخاذ القرارات، والنهاردة هنتكلم عن واحدة من أهم تصنيفات الـ KPIs وهي الـ Leading and Lagging KPIs..
✅أول حاجة الـ Leading KPIs
و هي المؤشرات اللي بستخدمها علشان أتوقع إيه اللي هيحصل في المستقبل,
يعني أنت ممكن تستخدم الـ Leading KPIs بغرض تحذيري لعُطل ممكن يحصل في المستقبل فتاخد إجراء استباقي يمنع العطل ده.
✅وعلشان تفهم الموضوع أكتر خلينا نشرحلك بمثال من الصيانة عن الـ Schedule Compliance وهو مؤشر بيعكس مدى الالتزام بالجدول الزمني.
✅لو كان الالتزام بالجدول الزمني منخفض، فده معناه إن اللي التاسكات اللي متعملتش هتسبب مشاكل في المستقبل .
✅مثال تاني على نسبة الـ Planned Maintenance
وهي مؤشر بقدر أعرف خلاله نسبة أوامر الصيانة اللي تم التخطيط ليها مقارنة باللي تم تنفيذها بالفعل.
✅علشان أقول إن النسبة دي كويسة فلازم أوامر الصيانة أو خطة الصيانة اللي أنت حطيتها تكون اتحققت بنسبة 80%، يعني الـ planned Maintenance تكون هي النسبة الأكبر..
وده معناه إن قسم الصيانة بيشتغل بكفاءة أكبر والأهم إن المعدات بتاعتك بتشتغل بسلاسة من غير ما الإنتاج يقف.
✅تاني حاجة الـ Lagging KPIs
هي المؤشرات اللي بنستخدمها لتقييم مشروع أو مهمة تمت بالفعل.
يعني هنا أنت بتقيس وتقيّم الأداء بأثر رجعي علشان تعرف الخطة اللي أنت نفذتها اتحققت بنسبة كام؟
✅وعلشان تفهم الموضوع أكتر خلينا نشرحلك مثال برده من الصيانة
أنت أكيد عارف إن فعالية المعدات الإجمالية أو (OEE) هي مقياس بتستخدمه الشركات علشان تقيس كفاءة العمليات.
✅وإن الـ متوسط الوقت بين الأعطال أو (MTBF):
بنستخدمه علشان نقيس المدة الزمنية بين اثنين من الأعطال المتتالية لنظام أو معدات.
هو هنا مش بيتنبأ بوقت حدوث العطل، لكنه بيقدملك معطيات علشان تستخدمها في القرارات اللي ممكن تعملها بخصوص الصيانة والإصلاحات.
💡يعني بإختصار نقدر نقول إن
✅الـ lagging KPIs بتقولك ايه اللي حصل.
✅أما الـ leading KPIs بتقولك ايه اللي هيحصل.
💡ليه أنت محتاج الـ Leading والـ Lagging KPIs؟
✅لأنك لو تابعت الـ Lagging بس هيكون صعب جدا تفهم عمليات الصيانة ماشية ازاي في المؤسسة فبالتالي مش هتقدر تستغل أي فرص للتحسين فالمؤشرين هنا بيكملوا بعض علشان تقيس الأداء بشكل شامل لعمليات الصيانة.
