KSA Matrix
✅قبل ما تنقل خطتك لمرحلة التنفيذ لازم تعدي على مرحلة مهمة و مش هنبالغ لو قولتلك خطيرة جدا وهي مرحلة الـ Organizing أو حشد الموارد..
✅وعلشان تعدي المرحلة دي صح محتاج تتأكد من توافر 5 جوانب أساسية فيها بنختصرهم بالـ 5M
1- الـ Materials
هل في خامات لازمة لتنفيذ الخطة ؟ ولو في هل هي متوفرة ولا لأ؟
2- الـ Machines
هل محتاج اي آلات أو معدات أو أدوات خاصة لتنفيذ المهمة؟
3- الـ Manpower
مين الأشخاص اللي هتنفذ المهمة دي؟
4- الـ Method
هل في طريقة واضحة الشخص هيقوم بيها بالمهمة؟
5- الـ Measurement
إيه القياسات اللي هقيس بيها نجاح المهمة \الهدف؟
✅لحد هنا الكلام يبدو إنه سهل التطبيق، لكن في وقت التنفيذ هتلاقي إن أصعب عنصر عندك هو الـ Manpower !
✅ازاي ممكن هتعمل Assessment للأشخاص اللي معاك في الفريق علشان تتأكد إن عندهم المهارة اللازمة ؟
و ازاي تكتشف لو في قصور علشان تعملهم التدريب اللازم؟
✅الحقيقة أنت هتقدر تعمل ده بسهولة من خلال منهجية تفكير أو خلينا نقول أداءة وهي الـ K S A Matrix.
Knowledge, Skills, Attitude matrix
✅بتبدأ الـ Matrix دي بإنك تحدد المهمة أو الوظيفة اللي محتاج الشخص ينفذها .. وبعدها بتعمل تحليل للوظيفة دي تكتشف منه إيه هي الواجبات والمسئوليات والصلاحيات و المهام اللي هيقوم بيها .
✅وتسأل نفسك..
“علشان الشخص يقدر ينفذ المهمة دي .. محتاج يكون عنده؟”
✅معرفة بإيه ؟
✅مهارات إيه ؟
✅سلوكياته عاملة إزاي ؟
زي المثال ده كده..
خلينا نقول إنك محتاج فني قادر على صيانة محركات الديزل.
فبالتالي ..
1- المعارف اللي لازم تكون عنده.
معرفته بكيفية عمل المحرك ودائرة التبريد والتزييت وظروف التشغيل المناسبة ونوع الزيت المستخدم وكميته ونوع سائل التبريد
2- المهارات:
** يكون عنده القدرة على الفك والتركيب بالأدوات المختلفة و استخدام أدوات القياس بشكل صحيح وأدوات الفحص وكشف الأعطال وغيرهم**
3- السلوكيات:
** يكون مترسخ عنده مبدأ السلامة والصحة المهنية و العمل الجماعي و المرونة والتكيف مع التغييرات**
✅كده أنت عملت مصفوفة لفني صيانة محركات الديزل وحددت فيها المهارات والمعارف والسلوكيات اللي هتشتغل عليها.
✅ناقص نحط التقييم وده بيتحدد بناء على مجموعة من الأسئلة موجودة أصلا في الـ job analysis زي ..
✅ايه مقدار معرفته بنوع الزيت؟
✅هل لازم يبقى عارف التركيب الكيميائي له والإضافات بتاعته؟ ولا مجرد معرفة سطحية بأنواع الزيت المناسبة للمحرك دا والكمية اللي هيحطها في المحرك؟
✅يعني أنت محتاج دلوقتي تحط التقييم زي:
1-مبتدئ-متوسط-خبير.
2- أو من خلال أرقام من 1 لـ 4 .
3- أو تستخدم visual patterns أيا كان الطريقة اللي هتوحدها في التقييم.
✅كده أنت حددت التارجت، ناقص تقيس الواقع الفعلي، وده ممكن يتحدد بأكتر من طريقة فمثلًا:
💡عن طريق اختبارات عملية ونظرية..
1- وهنا أنت بتديله امتحان يختبر المعارف اللي عنده.
2- أو تختبر مهارة الفكر والتركيب بشكل عملي.
3- تراقب سلوكه وهو بيشتغل وبيلتزم بمعايير السلامة والصحة المهنية ولا لأ.
4- وتلاحظ هو قادر يشتغل وسط فريق ولا لأ.
✅دلوقتي أنت معاك K-S-A matrix متكاملة تقدر تبني عليها خطة تطوير لأفراد الفريق بتاعك.
💡إحنا جهزنا نموذج للـ KSA Matrix تقدر تستخدمه في شغلك .
تقدر تحط فيه أسماء الموظفين والمهارات والمعارف والسلوكيات بتاعتهم والتقييم والتارجت بطريقة visual.
https://drive.google.com/drive/folders/1QELHYjWImr9nHQDvif7WQTiZ4m3XU_Nu?usp=drive_link
💡ودا الفيديو بتاعنا هيشرحلك بالتفصيل أكتر.
https://www.facebook.com/oringtraining/videos/952189273394607
