KPIs

KPIs

💡دكتور بيتر دراكر بيقول ما لا يمكن قياسه لا يمكن إدارته..
✅اتكلمنا قبل كدا عن ازاي تحط هدف وإنه لازم يكون SMART والموديل اللي بيناقش جوانب الهدف المختلفة..

✅واتكلمنا عن إن الهدف ده لازم يكون Measurable يعني قابل للقياس وعلشان ده يحصل لازم تحط للهدف KPIs تقدر تقيس عليها..

✅الـ KPIs بإختصار هي المؤشرات اللي بنقيس بيها مدى نجاح أو فشل تحقيق الأهداف، والـ KPIs اللي أنت هتحتاجها كمهندس صيانة ممكن تكون..

1- الـ Downtime:
أي مصنع لما خط الإنتاج بيقف فيه فكل دقيقة بتفرق لأن الخسارة بتكون كبيرة فبالتالي الـ down time واحد من أهم الـ KPIs اللي المفروض تتابعها بإستمرار علشان تقلل وقت التوقف ده قدر الإمكان.

2- الـ Response Time:
وده الوقت اللي بنحتاجه عشان نبدأ نتعامل مع المشكلة بعد ما نعرف إنها حصلت، يعني لو مُعدة حيوية عطلت ووقت الاستجابة كان طويييل وأنت مش عارف سببه الجذري سواء كان محتاج فريق صيانة أكبر أو الفريق نفسه محتاج تدريب وغيرها من الأسباب اللي هتحتاج تدوّر فيها فالخسائر هنا بتكون أكبر،

✅علشان كده ده واحد من أهم الـ KPIs اللي لازم تاخد بالك منها وهتفرق معاك.

3- معدل تكرار الأعطال
والـ KPI ده بيساعدك تشوف لو في مشكلة معينة بتتكرر كتير وتحاول توصل لأسبابها الجذرية عن طريق tool معينة زي الـ Fishbone diagram أو مبدأ باريتو ودول اتكلمنا عنهم قبل كده علشان تحل المشكلة.

💡ودلوقتي نيجي لسؤال مهم ..
ليه الـ KPIs دي مهمة؟

✅لأنك من غير الـ KPIs مش هتقدر تحدد إذا كان الفريق بتاعك شغال كويس ولا لأ
ومن غيرها برده مش هتبقى عارف الأعطال اللي بتتكرر دي محتاجة خطة صيانة وقائية تانية ولا لأ.

✅كمان باستخدام المؤشرات دي هتقدر تقيّم الوضع الحالي وتشوف إذا كنت محتاج تعدّل الاستراتيجية بتاعتك ولا لأ علشان الأداء يتحسن بشكل مستمر، والقرارات اللي بناخدها تكون مبنية على أرقام واضحة.

💡في المقال الجاي، هنتكلم عن أنواع الـ KPIs المختلفة وازاي نختار المؤشرات المناسبة لشغلنا في الصيانة.