Keys Salection
💡إيه هي الخوابير أو الـ Keys، وإزاي نقدر نعمل Selection للـ Key الصح؟
✅الخابور أو الـ Key هو قطعة معدنية بتربط بين العمود وأي جزء دوار زي الترس أو الـ Hub، عشان يفضل فيه تزامن بينهم وما يحصلش انزلاق.
💡النهارده هنتكلم عن إزاي نختار الخابور المناسب للتطبيق بتاعك.
فيه أنواع كتير للخابور زي:
1- الـ Sunk Keys (زي الـ Rectangular Key والـ Square Key والـ Gib Head Key والـ woodruff key
2- الـ Saddle Keys (زي الـ Flat Saddle Key والـ Hollow Saddle Key).
3- الـ Tangent Keys
4- الـ Round Keys.
✅أشهر نوع من أنواع الـ keys وهو الـ Parallel Key وده اللي هنتكلم عليه دلوقتي ..
الـ Parallel Key، إحنا بنوصفه بالطول × العرض × السمك، وبنستخدم قاعدة بسيطة لتحديد العرض و هي:
✅عرض الخابور = قطر العمود مقسوم على 4.
✅يعني لو عندك عمود قطره 20 ملم، يبقى العرض المناسب للخابور مينفعش يقل عن 5 ملم. أما السُمك، فبنحسبه بقاعدة تانية وهي:
✅السمك = قطر العمود على 6.
💡بس الافضل إنك تفتح standard وتشوف إيه أنسب عرض وسمك للـ key (وده موجود في كتالوج لو محتاجه سيبلنا كومنت وهنبعتلك في رسالة).
💡طيب ازاي نحدد الطول؟
الطول هنا هو المُتغير اللي بيتحدد على حسب الإجهادات اللي بتأثر على الخابور.
وهنا محتاجين نسأل سؤال مهم جدا..
💡إيه هي الإجهادات اللي بتأثر على الخابور؟
وهي بتكون:
الـ Shear Stress (إجهاد القص): لما العمود بيلف بيحصل Torque، وده بيخلق قوة بتأثر على الخابور وبتسبب إجهاد القص.
✅القوة دي بنحسبها من قانون موجود في الداتا شيت (سيبلنا كومنت و هنبعتهولك في رسالة لأنه هيسهل عليك كتير).
✅بعد كده بنحسب الطول بناءً على الـ Allowable Shear Stress اللي هو الإجهاد المسموح بيه واللي بيكون نص الـ Yielding Stress على Factor of Safety (وده قانون مُعين هتلاقيه في الداتا شيت اللي هنبعتهالك).
2- الـ Compression Stress (إجهاد الضغط): النوع التاني من الإجهادات هو إجهاد الضغط اللي بيأثر على نصف سمك الخابور.
وبيتحسب بقانون خاص موجود في الداتا شيت اللي هنبعتهالك
✅وهنا برضه بنستخدم الـ Allowable Compression Stress اللي بنجيبه بقانون خاص بيه (هتلاقيه في الداتا شيت اللي هنبعتهولك).
✅بعد كده بنجيب الطول طبقا للـ compression stress بقانون معين
(هتلاقيه في الداتا شيت دا)
https://drive.google.com/drive/folders/1rt_jIy4_XvFhs81GM9RHMeBWf60hVU3h?usp=drive_link
✅وفي الأخر هنلاقي اننا معانا طولين مختلفين عن بعض .. طول ناتج عن الـ shear stress وطول ناتج عن الـ compression stress
💡ثواني أنت كده المفروض تاخد أنهي قيمة؟
هنا أنت هتاخد القيمة الأكبر أوالطول الأطول عشان يتحمل اكبر إجهاد ممكن ..
الكلام اللي أنت قريته دلوقتي هتلاقيه في الفديو دا case study بالتفصيل.
https://www.facebook.com/oringtraining/videos/2317780025226114
