Gear box oil & level selection
💡إزاي تحدد نوع وكمية الزيت المناسبة في الجير بوكس؟
✅الجير بوكسات أنواعها كتير وكل نوع مهم ليه تروس معينة، طريقة تركيب، وحجم مختلف، حتى الزيت اللي هتشتغل بيه لازم يكون مناسب للتطبيق اللي بتستخدمه.
✅الزيت جوه الجير بوكس بيكون بكمية معينة ..
1- لو زادت عن الحد المسموح، الاويل سيل هيضرب والزيت هيهرب.
2- ولو نقصت ، الحرارة والتآكل هيزيدوا جوه الجيربوكس وده هيخلي المكونات تتلف بسرعة.
✅عشان كده لازم تختار الزيت وكميته صح للجيربوكس بتاعك.
وده يخلينا نسأل سؤال مهم جدا.. إزاي تختار الزيت وكميته؟
✅كل جيربوكس عليه حاجة اسمها nameplate المصنع بيحطها على جسم الجيربوكس من بره.
دي بتوضحلك شوية معلومات زي:
1- نوع الجيربوكس: ده بيكون الموديل أو السلسلة اللي بينتمي ليها، زي “HB100”.
2- سرعة الخرج (n₂): اللي هي سرعة العمود الخارجي بوحدة RPM، زي 50 RPM.
3- قدرة الإدخال (P₁): اللي هي قدرة الموتور اللي بيدخلها للجيربوكس بوحدة kW، زي 15 kW.
4- عزم الخرج (T₂): اللي هو العزم اللي هيطلعلك من الجيربوكس بوحدة N·m، زي 2500 N·m.
5- سرعة الإدخال (n₁): سرعة عمود الموتور اللي متوصل بالجيربوكس بوحدة RPM، زي 1450 RPM.
6- نسبة التخفيض: اللي هي نسبة بين سرعة الإدخال وسرعة الخرج، زي 29:1.
7- نوع الزيت: مثلاً ممكن تلاقيه كاتبلك 220 ISO VG.
وزن الجيربوكس: زي 85 kg.
8- تاريخ التصنيع والرقم التسلسلي.
✅اختيار كمية الزيت:
لما تحدد نوع الزيت، لازم تدخل على كتالوج الجيربوكس عشان تعرف كمية الزيت المناسبة حسب وضعية تركيب الجيربوكس.
1- يعني لو الجيربوكس الدودة، الدودة ممكن تكون فوق أو تحت، وكل وضعية ليها كمية زيت مختلفة.
✅الكتالوج يقى هيقولك الوضعية اللي انت مركبها، وكمية الزيت تكون بالكيلو أو اللتر.
✅الكتالوج كمان بيحدد أنواع الزيوت المناسبة حسب درجة الحرارة.
✅يعني مثلاً لو هتشتغل في درجات حرارة بين -20 و 40 درجة، وأنسب نوع زيت لجيربوكس C31 هو VG 220.
✅بعد ما حددت نوع الزيت، لازم تشوف الكتالوج الخاص بالزيت عشان تاخد بالك من شوية حاجات زي:
1- مؤشر اللزوجة (Viscosity Index):
1- لو المؤشر عالي، ده معناه إن لزوجة الزيت مش بتتغير كتير مع تغير درجات الحرارة.
2- لو المؤشر منخفض، اللزوجة بتتغير بشكل كبير.
2- الكثافة (Density): دي بتقاس عند درجة حرارة 15 درجة مئوية، كل ما الكثافة زادت، الزيت بيبقى تقيل.
3- مؤشر اللون (Color Index)
1- لو الرقم صغير، الزيت لونه فاتح.
2- ولو الرقم كبير، الزيت بيبقى أغمق.
4- درجة الوميض (Flashpoint): دي أقل درجة حرارة الزيت ممكن يتبخر عندها ويعمل خليط يشتعل.
✅كل ما كانت أعلى، الزيت بيكون أأمن.
5- نقطة السكب (Pourpoint): دي أقل درجة حرارة يقدر الزيت يتدفق عندها، كل ما الرقم كان قليل، الزيت يشتغل في الجو البارد.
6- رقم المعادلة (Neutralization Number): بيعبر عن حمضية أو قلوية الزيت. لو الرقم عالي، معناه إن فيه مواد حمضية أكتر، وده ممكن يسبب تآكل.
💡طيب لو الـ name plate مش موجودة؟
لو الـ name plate بتاعة الجيربوكس ممسوحة أو مش موجودة، وفيه حاجة تانية خالص اتكلمنا عنها في كورس هندسة المكونات الميكانيكية، بتقدر تعرف مستوى وحجم الزيت بطريقة تانية.
Tool Link:
https://drive.google.com/drive/folders/1E5DgA126tg8YqJJiBBw4WK1AoQglQlcL?usp=drive_link
(ودا فيديو هتشوف فيه كل التفاصيل اللي قريتها دلوقتي عملي)
https://www.facebook.com/oringtraining/videos/472120148594117
