Fishbone diagram
💡بعد الحرب العالمية التانية، اليابان بدأت تبني اقتصادها من تاني لكن واجهتها تحديات كبيرة في كل قطاع منها الصناعة..
✅قطاع الصناعة كان من القطاعات اللي فيها مشاكل مش سهلة زي:
1-عيوب التصنيع.
2- كفاءة العمليات.
🚫وده مكنش أسهل وقت على اليابان!
✅فالبتالي هي محتاجة لسياسات في التصنيع علشان تقلل الموارد المستهلكة وفي نفس الوقت تحافظ على الجودة.
✅وعلشان ده يحصل هي محتاجة لأداة لتحليل الأسباب الجذرية للمشكلات، والأداة دي وصلولها بسبب أكلة سمك!
✅عالم اسمه كارلو ايشيكاو كان بياكل سمك في مطعم، ولاحظ شكل عظمة السمكة ومنها جتله فكرة ال fishbone diagram أو ال cause and effect diagram وهي عبارة عن أداة مرئية لتحليل الأسباب الجذرية للمشكلات.
✅ومن ساعتها لغاية دلوقتي ال fishbone diagram بقى جزء أساسي من إدارة الجودة الشاملة TQM و أداة اساسية في البزنس بصفة عامة لتحليل المشاكل.
✅والحقيقة الأداة دي ساعدت الشركات في تحقيق مستويات أعلى من الجودة والكفاءة.
✅ودلوقتي السؤال الأهم..
ازاي كمهندس صيانة تستخدم الأداة دي؟
1- هتحط العطل أو المشكلة عند رأس السمكة وعند التفريعات تحت ال 5M+1 هتحط كل الأسباب المحتملة اللي أدت للعطل أو المشكلة دي
ال 5M+1 اللي هما:
1-Manpower
✅الأفراد اللي بيشاركوا في العملية، لأن المشكلة ممكن تكون بسبب مستوى التدريب، المهارات، الحافز، أو عدد العمال.
2-Methods
✅لأن المشكلة ممكن تكون بسبب طريقة التشغيل أو الإجراءات المتبعة (SOPs).
3-Materials
✅المشكلة ممكن تكون بسبب قطع الغيار زي إنها غير أصلية أو خامتها بجودة منخفضة أو مش مناسبة للاستخدام، أو مش متوفرة بانتظام.
4-Machines
✅ممكن يكون ده العمر الافتراضي للمعدة أصلا أو إن في أخطاء في تصميمها نفسه أو اتحمل عليها شغل اكتر من اللي متصممة عليه.
5-Measurements
✅ممكن أدوات القياس المستخدمة مش دقيقة ، أو حصل قياس غير دقيق للأجزاء اللي فيها عطل، زي انك تقيس خلوص البيرينج بشكل غلط أثناء التركيب.
✅أو إن المشكلة بسبب عدم دقة دوريات الفحص اللي في برنامج الصيانة.
6-Environment
✅ممكن تكون المشكلة بسبب العوامل المحيطة بالماكينة زي درجة الحرارة، الرطوبة، الإضاءة، التلوث، ممكن تكون الماكينة اشتغلت في ظروف عمل غير اللي متصممة عليه.
✅بتحصر كل الأسباب المحتملة في كل منظور منهم وبعد كدا بتبدأ تستبعد الأسباب مع الفريق بتاعك لغاية أما توصل للسبب الجذري للمشكلة.
💡جهزنا Template لل fishbone diagram تقدر تستخدمه لتحليل الاسباب الجذرية للأعطال والمشكلات .
https://drive.google.com/drive/folders/19djfaDE6O-TMyXjnP82z_cYOY-5qtWil?usp=drive_link
ودا فيديو شرح مقال انهارده
https://www.facebook.com/oringtraining/videos/490651087336299
