5S+1

5S+1

🚫مش محتاج أقولك الوضع في اليابان كان عامل ازاي بعد الحرب العالمية الثانية!

تدهور في كل حاجة تقريبا..

صناعة
اقتصاد
استثمار

✅ بس الوضع ده كان سبب إن اليابان تشتغل بمجموعة من الأدوات كانت السبب في ريادتها لحد النهاردة، النهاردة هنقولك على سر أداة منهم وهي:
الـ 5S+1 واللي كانت سبب في حل مشاكل كتير جدا زي:

1- بيئة العمل الخطرة.
2-الفوضى وعدم التنظيم.
3-الهدر بسبب ضياع العدد والأدوات.
4-زيادة وقت الاصلاح والصيانة.

✅ فأنت لو عايز تحل المشاكل دي في المؤسسة بتاعتك محتاج تطبّق الـ 5S+1 وعلشان ده يحصل فهقولك النهاردة ازاي تنفذها..

1- محتاج تعمل Sort (تصنيف)

وهنا أنت بتدخل الورشة أو المكان اللي تطبق فيه الـ 5s و تبدأ تصنف كل المعدات والأدوات الموجودة فيه ل 4 تصنيفات:

1- حاجات غير مرغوب فيها بتتخلص منها علطول.
2- حاجات شاكك في أهميتها بتعملها red tag عشان الفريق والمدير يأكدوا على عدم أهميتها.
3- حاجات بتستخدمها يومياً أو اسبوعياً أو شهرياً بتعمل عليها green tag.
4- حاجات بتستخدمها سنوياً بتحط. عليها yellow tag.

✅ وبعدها بتاخد قرارات بالنسبة للحاجات دي مع الفريق بتاعك..
سواء إنك تهلكها أو تخزنها أو تخليها في الورشة بناء على الأهمية و الاستخدام.

2-Set in order (ترتيب)
و الخطوة دي معناها بإختصار إن “لكل شئ مكان، ولكل مكان شئ”

✅ هنا الأدوات والمعدات اللي معاك من المرحلة الأولى بتدأ ترتبها في أماكن مناسبة ليها بحيث الاشياء اللي بتستخدمها كتير تكون في أماكن أقرب واللي بتستخدمها قليل تحطها في أماكن أبعد.

3- Shine (تلميع)

الخطوة دي بالرغم من إنها تبان سهلة لكنها مهمة جدا جدا لأن الغرض الأساسي منها “الفحص”فهتحتاج تعمل دوريات تنظيف للورشة والمعدات والأدوات، بتفحص فيها المعدات والأدوات عشان التالف منها تتخلص منه وتجيب غيره.

4- Standardize (تنميط)

في المرحلة دي أنت هتوحد القواعد والقوانين اللي هتثبت عليها العمليات وهتلتزم بيها بناء على أفضل الممارسات

يعني مثلًا..

هترتب الملفات بشكل أبجدي أو تخليها بألوان معينة..
هترسم إطار لكل أداة بحيث يبقى معروف إن ده مكانها أو إنك تصمم SOP.

5- Sustain (تثبيت)

الخطوة دي مهمة علشان تثبّت بيها الـ 4 خطوات اللي فاتت

وممكن تتم بطرق مختلفة زي إنك تعمل توعية بشكل دوري للموظفين بأهمية وخطوات ال 5S أو أنك تراجع تطبيقها بشكل دوري باستخدام 5S Audit sheet.

كده أنت عرفت الـ 5S باقي الخطوة الأخيرة و هي الـ +1 أو الـ Safety
الغرض الأساسي من الخطوة دي تحسين معايير الأمن والسلامة في بيئة العمل بشكل عام يعني..

1- توفير أدوات الحماية الشخصية PPE .
2- توفير أدوات إطفاء الحرائق وتدريب العمال على استخدامهم.
3- مراجعة الظروف المحيطة لتجنب الحوادث والإصابات.

مشروع الـ 5S+1 كبير وبيحتاج منك وقت وموارد كتير لكن النتيجة اللي هتشوفها بعده تستاهل ..

ودا فيديو ينشرح فيه الـ 5S+1 بشكل تفصيلي أكتر.
https://www.facebook.com/oringtraining/videos/1070188237729118